د کار په انسټیټیوټ کې د کارموندنې او سیاحتي شرکتونو له مسؤلینو سره دوهیمه ناسته ترسره شوه
بهر ته په قانوني ډول د افغان ماهرو کاریګرو د لیږد او هلته له پخوا څخه د مېشتو کاریګرو د ستونزو او ننګونو د حل پر څرنګوالي د بحث په موخه د کار او ټولنیزو چار وزارت اړوند د کار په انسټیټیوټ کې د کارموندنې او سیاحتي شرکتونو له مسؤلینو سره د کار او ټولنیزو چارو، اطلاعات او فرهنګ، حج او اوقافو او عدلیې وزارتونو استازو د همغږۍ دوهیمه ناسته تر سره شوه.
په پیل کې د کارموندنې او سیاحتي شرکتونو د اتحادیې رئیس حاجي احمد سیر رحیمي په خپلو خبرو کې د خپلو کارونو، فعالیتونو او په یاده برخه کې د ستونزو او ننګونو په اړه خبرې وکړې او بهر ته د افغان کاریګرو د لیږد د غوره تنظیم او ترتیب لپاره یې د سیاحتي او کارموندنې شرکتونو یوه ګډه طرحه د ناستې له ګډونوالو سره شریکه کړه.
همداراز نوموړي زیاته کړه، چې د اتحادیې شامل ټول د کارموندنې او سیاحتي شرکتونه به د ا.ا.ا د ټولو اصولو او قوانیونو په نظر کې نیولو سره خپل فعالیتونه او هڅې جاري ساتي.
ورپسې د کار او ټولنیزو وزارت د کاریګرو د لېږد رئیس مولوي محمد امین انیس؛ بهرنیو کاریګرمنونکو هېوادونو ته له افغانستان څخه د کاریګرو د قانوني لیږد بهیر د پیل لپاره او یادو هېوادونو ته د افغان کاریګرو د قاچاق د مخنیوي پر اهمیت خبرې وکړي او زیاته یې کړه: بهر ته د افغان ماهرو کاریګرو د قانوني لیږد د غوره تنظیم په موخه ضروري ده؛ چې ټول سیاحتي او د کارموندنې شرکتونه په یوه اتحادیه کې ثبت شي او همداراز د د اتحادیو له تعدد څخه مخنیوی وشي.
همدارنګه نوموړي له سیاحتي شرکتونو وغوښتل، چې د سیاحت په ویزو افغانان؛ بهر ته د کار لپاره ونهلیږي ترڅو هلته د ارزانه او غیرقانونيکاري ځواک له لېږد څخه مخنیوی؛ او په پای کې د قانوني، عزتمن او ګټور کاري ځواک اعزام ته لاره هواره شي.
