د کار انسټیټیوټ له لوري د پلان جوړونې درې ورځنی روزنیز ورکشاپ پيل شو
د کار او ټولنیزو چارو وزارت؛ د کار انسټیټیوټ له لوري د وزارت ۴۰ تنه کارکوونکو ته د ظرفیتلوړونې په موخه د پلانجوړونې درې ورځنی روزنیز ورکشاپ پیل شو؛ چې موخه یې د کارکوونکو د مسلکي ظرفیتونو پیاوړتیا، د پلانجوړونې له مهارتونو سره بلدتیا او د اداري چارو د اغېزمن تنظیم لپاره د معیاري میکانیزمونو رامنځته کول دي.
د ورکشاپ په پيل کې د کار انسټیټیوټ رئیس شريفالله شرافت د پلانجوړونې پر ارزښت د بحث سربېره زیاته کړه: دا ډول روزنیز ورکشاپونه په اداره کې د کاري بهیرونو په معیاري کولو، اهدافو ته په رسېدو، د منابعو اغېزمنه کارونه، د چارو پر وخت مدیریت، په اداري چارو کې د همغږۍ او شفافیت په رامنځته کولو او د خدماتو د کیفیت په لوړولو کې اغېزمن رول لري.
په پای کې، نوموړي له ګډونوالو وغوښتل، چې د یاد ورکشاپ له ترلاسه شویو زدهکړو، تجربو او مهارتونو څخه په اغېزمنه او غوره توګه ګټه پورته کړي؛ ترڅو وکولی شي دغه مهارتونه په خپل ورځني کاري چاپېریال کې په بریالیتوب سره عملي کړي.
