په هرات کې ۳۵۸۰۰ تنه راستانه شویو هېوادوالو ته د څښاک اوبه او غذایي توکي ووېشل شول
د هرات ولایت د کار او ټولنیزو چارو ریاست په هڅو؛ په تېرو دوه اونیو کې له ایران هېواد څخه راستانه شویو۳۵۸۰۰ تنه افغان کډوالو ته د څښاک اوبه او غذایي توکي ووېشل شول.
د دې مرستې د وېش پر مهال د هرات ولایت د کار او ټولنیزو چارو رئیس حافظ میرزا محمد ابو منصور په خپلو خبرو کې د «امام جواد او قایم » همکارو مؤسساتو څخه د مننې سربېره په خپلو خبرو کې وویل: د افغانستان اسلامي امارت په ځانګړي ډول د کار او ټولنیزو چارو وزارت هوډمن دی، چې د اړمنو، بېځایه شوو کورنیو، بېوزلو او بېرته راستانهشویو هېوادوالو لاسنیوی وکړي او د ژوندانه اسانتیاوې ورته برابرې کړي.
همداراز نوموړي په خپلو خبرو کې له نورو همکارو مؤسساتو او خیریه بنسټونو څخه هم د ورته مرستو او همکاریو غوښتنه وکړه ترڅو په دې سختو شرایطو کې د بېرته راستانه شویو هېوادوالو ستونزو ته رسېدنه وشي.
