سیستم معلوماتی آموزشهای فنی و حرفوی افغانستان تهیه و در آیندهٔ نزدیک گشایش می‌یابد

سیستم معلوماتی آموزش‌های فنی و حرفوی وزارت کار و امور اجتماعی که به پشتیبانی مالی اتحادیهٔ اروپا و دفتر GIZ در هم‌آهنگی با این وزارت از سوی مؤسسهٔ «داکار» ساخته شده‌است، در آیندهٔ نزدیک رسمأ گشایش خواهد یافت.

 محترم سید عبدالکریم هاشمی؛ معین امور کار وزارت کار و امور اجتماعی در نشستی که با نماینده‌گان اتحادیهٔ اروپا، GIZ  و دیگر ادارات زیربط داشت، این سیستم را در مطالعهٔ بازار کار و کاریابی مهم دانسته، به غنامندی سیستم تأکید نموده و جهت ایجاد بهبود در روند کاری، به مسوولان مربوطه هدایات لازم داد.

گفتنی‌است که در این سیستم، تمامی فارغان آموزش‌های فنی و حرفوی انستیتیوت‌های دولتی و خصوصی ثبت می‌شوند که در مطالعهٔ بازار کار و فراهم‌سازی زمینهٔ بهتر برای کارفرمایان در پيدا کردن کارگران مسلکی، سهولت‌های بی‌شماری را به میان خواهد آورد.