برگزاری دهمین نشست گروه کاری منابع بشری در وزارت کار و امور اجتماعی
دهمین نشست گروه کاری منابع بشری کمیتهٔ جلوگیری از فساد اداری و توسعهٔ سیستم از سوی ریاست محترم اجراییهٔ دولت جمهوری اسلامی افغانستان در وزارت کار و امور اجتماعی برگزار گردید.
این نشست که به اشتراک نمایندگان ریاست اجراییهٔ دولت جمهوری اسلامی افغانستان، کمیسیون مستقل اصلاحات اداری و خدمات ملکی، وزارت‌های مهاجرین و عودت کنندگان، انکشاف دهات، عدلیه، امور داخله، معادن و پترولیم، اتاق تجارت زنان، اتاق های تجارت و سرمایه‌‌‌گزاری و دیده بان شفافیت افغانستان تدویر یافته بود، روی موضوعاتی چون گزارش چگونگی وضعیت سفارش شماره ۲۶۹ کمیتهٔ میک، روند اعزام کارگران به خارج و اسناد مرتبط به این موضوع، چگونگی صدور جوازکار برای کارگران خارجی در افغانستان و اسناد تقنینی آن بحث همه جانبه صورت گرفته و به خاطر جلوگیری از فساد اداری، پيشنهادها و دیدگاه‌های گوناگون از سوی اشتراک کنندگان ارایه شد.
