بصير د مرستو پراختيا کمېټې مشر سره د کار چارو مرستيال ليدنه
د کار چارو مرستيال مولوي مخدوم عبدالسلام سعادت، بصير د مرستو پراختيا کمېټې مشر او رهبري هيئت استازو سره خپل کاري دفتر کې وکتل.
دې ليدنه کې بصير د مرستو پراختيا کميتې مشر د يادې کمېټې د پروژو اړوند معلومات وړاندې کړل، زياته يې کړه: بصير د مرستو پراختيا مؤسسې تر دې مهاله افغانستان کې د روغتيا او پوهنې برخو کې ۸۰ پروژې پلي کړي دي.
وروسته د کار چارو مرستيال مولوي مخدوم عبدالسلام سعادت د يادې مؤسسې د کړنو څخه د مننې ترڅنګ زياته کړه: په اوسنيو شرايطو کې له افغانستان سره د اسلامي هيوادونو همکاري ډيره اړينه دی او هيله لرو چې دغسې همکارۍ لا زياتې شي.
بصير د مرستو پراختيا کميټې مشر د کار او ټولنيزو چارو وزارت څخه د فني او حرفوي زده کړو وړاندې کولو په برخه کې د مناسب ځای په واک کې ورکولو په موخه د همکارۍ غوښتنه وکړه، زياته يې کړه: که چيرته د کار او ټولنيزو چارو وزارت په مرکز او يا هم ولايتونو کې سپينه ځمکه واک کې ورکړي؛ نو دوی اماده دي، چې د سيمې په سطحه د فني او حرفوي زده کړو يو معياري مرکز جوړ او تجهيز کړي، چې په دې برخه کې د کار چارو مرستيال له لوري ورسره د همکارۍ ژمنه و شوه.
