د کار چارو معین؛ د کابل له والي سره وکتل
د کار او ټولنیزو چارو وزارت د کار چارو معین مولوي محمد زاهد احمدزي د ولایت په مقام کې د کابل له والي ملا امین الله عبید سره وکتل.
مولوي محمد زاهد احمدزي د کابل ولایت د فعالیتونو او کاري کړنو د ستایلو سربېره؛ پر بېلابېلو ټولنیزو چارو اړوند مهمو موضوعاتو،کاري فرصتونو په رامنځته کولو، د کابل ولايت د اوسېدونکو د هوساينې د وضعیت د ښه کولو، د کاري ستونزو پر حل، د ښه ټولنیزو خدمتونو د وړاندې کولو او د ادارو او وزارت ترمنځ د همکاریو د پیاوړتیا په اړه خبرې اترې وکړي.
مولوي محمد زاهد احمدزي؛ په ښار کې پر واټ بوختو کارګرانو، کراچۍ او ریکشا لرونکو هېوادوالو د ستونزو او ننګونو پر حل کې د زیاتې پاملرنې غوښتنه وکړه.
د کابل والي ملا امینالله عبید هم ورځمزده کاریګرو او کسبګرو، کراچۍ او ریکشا لرونکو هېوادوالو ستونزو ته رسېدنه خپل لومړیتوب وباله او زیاته یې کړه: هوډ لرو چې په ښار کې یادو کارګرو طبقو ته مناسب کاري ځایونه، واټونه او همدارنګه د ښار ګڼې ګونې د مخنیوي ترڅنګ ریکشا لرونکو هېوادوالو ته د تګ او راتګ ځانګړي مسیرونه مشخص کړو.
په پای کې د کار چارو معین مولوي محمد زاهد احمدزي وویل؛ د ښاریانو د ستونزو او ننګونو په حل کې د ځايي ادارو نږدې همکاري اړینه ده.
