ننګرهار کې د نږدې شل ميليونه افغانيو په ارزښت د فني او حرفوي زده کړو يو مرکز پرانستل شو
دغه مرکز نن چهارشنبه د کار او ټولنيزو چارو وزير بشير احمد ته ينج او د ولسمشر سلاکار او د ننګرهار والي ضيالحق امرخيل له خوا، په داسې حال کې چې د کار او ټولنيزو چارو مالي او اداري مرستيال مسعودالله اورياخيل، د وزارت يو شمير رييسانو، او د ياد ولايت د ولايتي شورا غړو يې هم ملتيا کوله؛ پرانستل شو.
د کار او ټولنيزو چارو وزير بشير احمد ته ينج د ياد مرکز پراستې پر مهال هيله و ښوده، چې د ياد مرکز په پرانستلو سره به ننګرهار کې د بې روزګارۍ کچه را ټيټه او پر کسب پوه کسانو زيات شي.
د ويلو دی، چې ياد مرکز د هند هيواد د ۱۹،۷ ميليونه افغانيو په مالي مرسته جوړ شوی دی، چې ۱۷ ميليونه افعانۍ يې په ودانۍ او د ۲،۷ ميليونه افغانيو په ارزښت ورته وسايل اخيستل شوي دي.
ياد مرکز دوه پوړونو کې جوړ شوی، لس تدريسي خونې، څلور تشنابونه، اداري خونه او نور ملحقات لري، چې په لس حرفو کې به د ننګرهار اوسيدونکو ته د فني او حرفوي زده کړو زمينه برابره کړي.
