اختر په مناسبت۶۱۰ تنو یتیمو او بېسرپرسته ماشومانو ته کالي ووېشل شول
د غور، سمنګان، پکتیا او بغلان ولایتونو د کار او ټولنیز چارو ریاستونو په هڅو؛ ۶۱۰ تنو یتیمو او بېسرپرسته ماشومانو، چې ۲۳۵ تنه د غور ولایت، ۱۷۵ تنه دسمنګان ولایت، ۱۰۰تنه د پکتیا ولایت او ۱۰۰ تنه نور د بغلان ولایت اوسېدونکي دي، د راتلونکي نیکمرغه کوچني اختر په مناسبت کالي ترلاسه کړل.
د دې مرستو د وېش پر مهال؛ د یاد ولایتونو د کار او ټولنیزو چارو رئیسانو له همکارو او خیریه بنسټونو او اشخاصو څخه د مننې سربېره له نورو خیریه بنسټونو او همکارو مؤسساتو څخه هم دې ته ورته مرستو او همکاریو ِغوښتنه وکړه.
د یادونې وړ ده، چې په غور او پکتیا کې د ولایت مقامونو، سمنګان کې د یو شمېر تجارانو او په بغلان ولایت کې د هایسو همکارې مؤسسې په مالي ملاتړ د نیکمرغه کوچنې اختر په مناسبت یادې مرستې ووېشل شوې.
