د ماشوم نړۍواله ورځ؛ د غوره تولنې منځته راوړلو لپاره په ټولنه کې د ماشوم د حقوقو ترویج لپاره یو فرصت دی
د ماشوم نړۍواله ورځ؛ د ماشوم باعظمته مقام لمانځلو لپاره د یو فرصت په توګه په رسمیت پیژندل شوې چې په بیلابیلو هیوادونو او په بیلابیلو تاریخونو کې د جشن په توګه لمانځل شوې.
د ۲۰۲۱ کال د ماشوم نړۍوالې ورځې شعار « پر ماشومانو پانګه اچونه؛ پر غوره راتلونکی پانګه اچونه ده» دی چې د ملګرو ملتونو له لوری د ماشومانو سوکالۍ، پیوستون، د هغوی د حقوقو ترویج څخه د پوهاوی په موخه تعیین شوی دی.
د نومبر شلمه؛ د ملګرو ملتونو لخوا د ماشوم نړۍوالې ورځې په توګه نومول شوې ده، په داسې حال کې چې له ۱۹۵۰میلادي کال څخه راهیسې د افغانستان په ګډون د نړۍ په ډيرو هیوادونو کې له ماشومانو څخه د ملاتړ ورځ «د ماشوم ورځې» په نوم یادیږي او د جون په لمړۍ نیټه لمانځل کیږي چې د کار او تولنیزو چارو په وزارت کې هم یاده ورځ په پرتمینه غونډو کې لمانځل کیږي.
له شک پرته چې د ماشوم نړۍواله ورځ؛ د غوره ټولنې منځته راوړلو لپاره په ټولنه کې د ماشومانو عظیم مقام د درناوي او د هغوی د حقوقو ترویج لپاره یو فرصت دی.
همدارنګه د ماشوم نړۍواله ورځ؛ هغو ماشومانو د پوهاوي ورکولو یو ډول دی چې په ټوله نړۍ کې د ناوړه ګټې اخیستلو، استثمار او تبعیض تجربه د تاوتریخوالی په چوکاټ کې لري؛ څرنګه چې ځینو هیوادونو کې له ماشوم څخه د کارګر په توګه کار اخیستل کیږي او یا هم وسلوالو جګړو ته راکښل کیږي چې په پایله کې له بده مرغه نامناسبه ژوند لري او اختلافاتو قرباني کیږي.
د افغانستان اسلامي جمهوري دولت د کار او ټولنیزو چارو وزارت چې په ټول هیواد کې د ماشومانو د آجنډاګانو مشري پرغاړه لري او په عملي توګه په یاد برخلیک ټاکونکي ډګر کې د خدماتو وړاندې کولو بهیر؛ مدیریت کوي؛ د قوانینو، مقرراتو او پالیسیو د وضع کیدو له لیدلوری او همداراز د خدماتو د وړاندې کولو او په خدماتو کې د آسانتیاوو منځته راوړو له لیدلوری؛ ماشومانو ته رسیدنه؛ د کار او ټولنیزو چارو وزارت له لویو مسئولیتونو ګڼل کیږي؛ څرنګه چې همدا اوس د کار او ټولنیزو چارو وزارت د ۴۹۰ بابه وړکتونونو په درلودلو سره او له ۲۵ څخه تر ۳۰زرو وړکتون میشته ماشومانو ته په کلني ډول د خدمتونو وړاندې کول، په اته شپیته بابه روزنتونونو کې له لس زرو تنو ماشومانو څخه ملاتړ، د ماشومانو څخه د ساتنې د عمل څلوردیرشو شبکو درلودل او په ۱۵۰ولسوالیو کې د ماشوم ساتنې شته شبکې؛ ټولې د ماشومانو په چوپړ کې دي.
د کار او ټولنیزو چارو وزارت د ماشومانو د حقوقو د ملاتړ د قانون په ړنا کې له نورو دولتي او خصوصي برخو او د ماشوم د حقوقو له ملاتړ لپاره د نړۍوالو بنسټونو په همغږۍ؛ له درنو کارونو څخه د ماشومانو منع کولو ستراتیژي او په دې ډګر کې اړونده کړنلارې ترتیب کړې دي او په یاد ډګر کې مثمره فعالیت خپل مسئولیت ګڼي ترڅو وکولای شي چې د یوې روښانه لارنقشې په چوکاټ کې؛ راتلونکی لرلید په غوره توګه ترسیم کړي.
راځئ چې له خپلو ماشومانو سره مهربان واوسو او د هغوی په غوره ښوونه او روزنه کې د زړه له تله هڅه وکړو ترڅو وکولای شو چې د دغه دیار راتلونکی له مینې او موسکا سره وتړل شي او دې هیواد ننۍ نسل مینه پال او مینه پنځ شي او په پایله کې د خپل ټاټوبی د پرمختګ او ښیرازۍ شاهدان شو.
