فراه ولايت ته د کار او ټولنيزو چارو وزير کاري سفر
د کار او ټولنيزو چارو وزير بشير احمد ته ينج او ورسره مل پلاوي، فراه ولايت ته سفر وکړ؛ د ياد ولايت والي تاج محمد جاهد سره يې وکتل او د خپل سفر د موخو اړوند يې ورسره خبرې وکړې.
دې سفر کې د کار او ټولنيزو چارو وزير د فراه ولايت لپاره يو وړکتون پرانست، د فني او حرفوي زده کړو مرکزونو څخه د ليدنې ترڅنګ يې د فراه ولايت د ولسي جرګې غړو سره هم وکتل؛ نوموړي همدارنګه د فراه ولايت د کار او ټولنيزو چارو رياست رييس او کارکوونکو سره هم وکتل، د هغوی ستونزې يې واوريدې او د حل په موخه يې مسؤلينو ته لازمې لارښوونې وکړې.
د کار او ټولنيزو چارو وزير د ولايتي رياستونو د کړنو او ستونزو اوريدو په موخه ولايتي سفرونه کوي، چې تر دې مهاله يې د فراه سربيره د هيواد يو شمير نورو ولايتونو ته هم کاري سفرونه کړي دي.
