بدخشان او بغلان ولایتونو علمای کرامو، مجاهدینو او قومي مشرانو سره د مالي او اداري چارو معین ناسته وکړه
د کار او ټولنیزو چارو وزارت د مالي او اداري چارو معین الحاج مولوي دینمحمد حقبین د بدخشان او بغلان ولایتونو له علمای کرامو مجاهدینو او قومي مشرانو سره د خپل کار په دفتر کې ولیدل.
په دې کتنه کې د بدخشان او بغلان ولایتونو علمای کرامو مجاهدینو او قومي مشرانو د خپلو ستونزو، ننګونو، غوښتنو او راتلونکو پلانونو په اړه معلومات شریک کړل. چې وروسته د مالي او اداري چارو معین الحاج مولوي دینمحمد حقبین له لوري ډاډ څرګند شو، چې دا هڅه به کوي، ترڅو اړونده چارواکو سره په ناستو کې یاد ولایتونو ته د هغوی پاملرنه جلب کړي. تر څو شته ستونزي حل او غوښتنو ته رسېدنه وشي.
همدارنګه مالي او اداري چارو معین زیاته کړه د افغانستان اسلامي امارت مسؤلین دې ته ژمن دي، چې خپلو ولسونو سره په ناستو کې د دوی ستونزې واوري او د حل په موخه یې د امکان تر بریده اقدام وکړي، چې خلکو او هېواد ته د ژمنتیا نښه او د مسؤلیت په ښه ډول ادا کول دي.
