د کار او ټولنیزو چارو وزارت مالي او اداري معین، د خوست ولایت د پوهنې له رئیس او یو شمیر قومي مشرانو سره ولیدل
د کار او ټولنیزو چارو وزارت مالي او اداري معین مولوي دینمحمد حقبین؛ د خوست ولایت د پوهنې رئیس مولوي محمد انور دینپرور، د پوهنې ریاست له نورو مسؤلینو او یو شمیر قومي مشرانو سره د خپل کار په دفتر کې ولیدل.
کتنه کې د خوست ولایت د پوهنې رئیس او قومي مشرانو ټولنه کې د زیانمنو اقشارو په ځانګړې ډول د یتیمو او بېسرپرسته ماشومانو ستونزو ته د رسېدنې، روزنتونونو، ښوونځیو او مدرسو ته د هغوی د جذب پر څرنګوالي او د هغوی د ژوندانه د وضعیت د ښه کېدو په رابطه خبرې وکړې او ځینو برخو کې یې د کار او ټولنیزو چارو وزارت د همکارۍ غوښتنه وکړه.
د کار او ټولنیزو چارو وزارت مالي او اداري معین مولوي دینمحمد حقبین هم په خپل وار سره د ټولنې یاد زیانمن او مستحق قشر ته پاملرنه د اسلامي امارت له اساسي دندو څخه وبلله او ژمنه یې وکړه، چې د هغوی ستونزو ته د رسېدنې په موخه به هلې ځلې کوي او هم به یې د نورو اړونده مسؤلینو سره شریکوي
