د کار او ټولنیزو چارو وزارت کې پنځه تنه نوي رئیسان معرفي شول
د کار او ټولنیزو چارو په وزارت کې؛ نن پنځه تنه نوي رئیسان خپلو کارکوونکو ته معرفي شول؛ چې په هغو کې د بشري ځواک پخوانۍ لوی رئیس مولوي حسیناحمد مدني د قواعدو او کار شرایطو د بهبود رئیس په توګه؛ د کاپیسا ولایت د کار او ټولنیزو چارو پخوانۍ رئیس مولوي عزتالله عارف د بشري ځواک د لوی رئیس په توګه، محمد آمین بهر ته د افغان کاریګرو د لیږد رئیس په توګه، د کار چارو پخوانۍ سلاکار مولوي رحیمالله صراح د مهارتونو د پراختیا د لوی رئیس په توګه او د املاکو پخوانۍ آمر ملا عبدالغني وفا د فني او حرفوي زدهکړو د انسجام او همغږۍ د رئیس په توګه معرفي شول.
هغه غونډې ته، چې په همدې مناسبت جوړه شوې وه د کار او ټولنیزو چارو وزارت د مالي او اداري چارو معین الحاج مولوي دینمحمد حقبین په خپلو خبرو کې وویل: یاده د غونډه د کار اهل کار ته د سپارلو په موخه جوړه شوې ده او د افغانستان اسلامي امارت د ټولو کارکوونکو هدف یو ده؛ چې هغه خلکو ته غوره خدمت او خپل کارونه په صداقت او په پوره امانت داری سره یې ترسره کول دي.
همدارنګه نوموړي په خپلو خبرو کې د لوی څښتن تعالی له دربار څخه؛ نوو معرفي شویو رئیسانو ته د مزید توفیق او په چارو کې د بریالیتوب غوښتنه وکړه
