د کار او ټولنيزو چارو وزارت سرپرست د سمنګان ولايت والي سره د خپل کار په دفتر کې و کتل.
د کار او ټولنيزو چارو وزارت سرپرست سيد انور سادات د سمنګان ولايت والي محمد داوود کلکاني سره و کتل، دې کتنه کې دواړو لوريو د ياد ولايت د کار او ټولنيزو چارو رياست اړوند موضوعاتو هر اړخيز بحث و کړ.
د سمنګان والي محمد داوود کلکاني، په داسې حال کې چې د سمنګان ولايت د کار او ټولنيزو چارو رياست رئيس هم حاضر وه، د نوموړي رياست اړوند ستونزې د وزارت رهبرۍ سره شريکې او د حل غوښتنه و کړه.
د کار او ټولنيزو چارو وزارت سرپرست سيد انور سادات د سمنګان ولايت نوي والي ته د مبارکۍ ترڅنګ؛ د نوموړي تېرو خدمتونو ته په اشارې ترې مننه و کړه، چې د خلکو ستونزو ته په وخت رسيده ګي او له مسؤلو چارواکو سره شريکوي.
سيد انور سادات، په ولايتونو کې د وزارتونو د دويمو واحدونو د کړنو په برياليتوب کې د واليانو رول مهم ياد کړ؛ نوموړي همدارنګه د کار او ټولنيزو چارو وزارت اړوند ستونزو اوريدو وروسته د سمنګانو والي سره په ښه همغږۍ، ستونزو ته د رسيدو په موخه د ګډ کار او همکارۍ ژمنه و کړه.
