د کار چارو معین د ناروې شاهي دولت لخوا افغانستان لپاره د ټاکلشوي خپلواک کمېسون مشر سره ولیدل
د کار چارو معین الحاج مولوي محمد زاهد احمدزي د ناروې شاهي دولت لخوا افغانستان لپاره د ټاکلشوې خپلواک کمېسون مشر بجورن تورن ګوډال او مل پلاوي سره ولیدل.
د ناستې په پیل کې د ناروې شاهي دولت لخوا افغانستان لپاره د ټاکلشوي خپلواک دوهیم کمېسون مشر بجورن تورن ګوډال او مل پلاوي په تیرو شلو کلونو کې د خپلو تجربو، لاستهراوړنو، تیرو پروژو او راتلونکو پلانونو په اړه د کار چارو معین الحاج مولوي محمد زاهد احمدزي ته معلومات ورکړل.
ښاغلي بجورن تورن ګوډال زیاته کړه: په داسې یو ګزارش کار کوو ترڅو د تیرو کلونو تجربې، ناکامۍ او بریاوې د یوې څیړنې په بڼه د ناروې له ولس، دولت او نړیوالو سره شریکې کړو.
د کار چارو معین الحاج مولوي محمد زاهد احمدزي هم افغانستان ته د هغوی له راتګ څخه د مننې ترڅنګ په ټولنیزو چارو، زیانمنو اقشارو، فني او حرفوي زدهکړو، په هېواد کې د بېکارۍ کچې کمښت کې د هغوی د پانګهاچوونې او پاملرنې غوښتنه وکړه.
په پای کې ښاغلي ګوډال ژمنه وکړه؛ چې د افغانستان اسلامي امارت ټولې غوښتنې به د ناروې شاهي دولت او نړیوالو سره شریکوي.
