پنځه سوه بې وزلو او یتیمو کورنیو سره د خوراکي توکو مرسته و شوه.

کابل: ۲۳ سرطان ۱۴۰۰ هـ ش

دغه مرسته چې "رابطه العالم الاسلامی" خیریه مؤسسې له خوا، د کار او ټولنیزو چارو وزارت په همغږۍ برابره شوې وه؛ نن د ټولنیزو چارو مرستیال او د یادې مؤسسې مسؤلینو له لوري و ویشل شوه. د دي مرستو ویشلو پروګرام کې د ټولنیزو چارو مرستیال غلام حیدر جیلاني د خپلو خبرو په ترڅ کې جنګ، بې وزلي او بې کاري په هیواد کې لویې ستونزې یادې کړې؛ د یادې مؤسسې له مرستو څخه یې مننه و کړه، له سوداګرو او نورو مرسته کوونکو بنسټونو څخه یې و غوښتل، څو په داسې شرایطو کې د بېوزله هیوادوالو لاسنیوی و کړي. وروسته د یادې مؤسسې د کابل دفتر مشر قاري نور زمان شرافت د خپلو خبرو په ترڅ کې له بېوزلو او اړمنو سره مرسته د ټولو هېوادوالو ټولنیز مسؤلیت یاد کړ او یادو مرستو ویشلو همغږۍ برخه کې یې د کار او ټولنیزو چارو وزارت څخه مننه و کړه؛ ژمنه یې و کړه، چې راتلونکې کې به هم ورته مرستې ترسره کړي. د ویلو دی، چې دغو مرستو کې هر یتیم او بې وزله کورنۍ ته ۲۴ کیلو ګرامه د خوراکي توکو بسته چې پنځه نوعه( اوړه، وریجې، غوړي، لوبیا او بوره) مواد په کې شامل وه، و ویشل شوې