پکتیکا کې له ۲۴ یتیمو او بېسرپرسته ماشومانو سره د ژمنیو جامو مرسته وشوه
د پکتیکا ولایت د کار او ټولنیزو چارو ریاست په هڅو د اصلاح مرکز له ۲۴ یتیمو او بېسرپرسته ماشومانو سره د ژمنیو جامو مرسته وشوه.
د دې مرستو د وېش پر مهال د پکتیکا ولایت د کار او ټولنیزو چارو ریاست استازو په خپلو خبرو کې د دې ولایت د کار او ټولنیزو چارو ریاست د عمده فعالیتونو او لاسته راوړنو په اړه د معلوماتو شریکولو ترڅنګ زیاته کړه: د کار او ټولنیزو چارو وزارت د هېواد په کچه یتیمو او بېسرپرسته ماشومانو ته د غوره ژوندانه د لازمو سهولتونو برابرولو سربېره هڅه کوي، چې له شته امکاناتو څخه په استفادې له دوی سره لازمې مرستې کوي.
استازي همدارنګه د سرچو مؤسسې څخه د مننې سربېره له نورو همکارو مؤسساتو وغوښتل، چې له یتیمو او بېسرپرسته ماشومانو سره مرسته وکړي.
