په سپینبولدک کې د کار او ټولنیزو چارو وزارت مېشت تخنیکي ټیم د نورو همکارو امارتي ادارو په مرسته؛ د راستنیدونکو هیوادوالو ثبت ته دوام ورکړی
د افغانستان اسلامي امارت له لوري بېرته راستنېدونکو کډوالو ته د خدماتو د تنظيم کميټې سره په همغږۍ او د کار او ټولنىزو چارو سرپرست وزىر الحاج ملا عبدالمنان عمري د هداىت په اساس، د کندهار ولاىت په سپينبولدک ولسوالۍ کې د دې وزارت مېشت تخنىکي ټىم د مهاجرینو آمریت او نورو امارتي ادارو په مرسته د پنجشنبې او جمعې په ورځو کې ټولټال ۵۱۵ کورنۍ چې۲۹۰۷ تنه کیږي په سىستم کې ثبت او دوى ته په اړوندو برخو کې خدمات ترسره کړل.
کندهار ولایت سپینبولدک ولسوالۍ د کاري فرصتونو د موندنې کمیټې په وینا د پنجشنبې په ورځ ۲۱۴ کورنۍ چې ۱۱۹۶ تنه کیږي او د جمعې په ورځ ۳۰۱ کورنۍ چې ۱۷۱۱ تنه کیږي؛ په خپل معلوماتي بانک کې ثبت کړي دي؛ چې په هغوی کې د قرآن عظیمالشان حافظان، بکلوریا، فوق بکلوریا، لیسانس، ماسټر، ماهر ګارکران، او غریبکاره هیوادوال شامل دي.
د یادولو وړ ده چې د کار او ټولنیزو چارو وزارت د کاري فرصتونو کمیټه په سپینبولدک ولسوالۍ کې د راستنیدونکو هیوادوالو کاري مهارتونه، تحصیل او تجربې ثبتوي؛ ترڅو په راتلونکې د کاربازار هغوی د کاري فرصتونو په موندلو کې اسانتیا رامنځته شي.
