د کندهار ولایت د کار او ټولنیزو چارو ریاست سره په همغږۍ، د دې ولایت په ژيړۍ ولسوالۍ کې ٢٠٠ بېسرپرسته کورنیو سره نقدي مرسته ترسره شوه
د کندهار ولایت د کار او ټولنیزو چارو ریاست سره په همغږۍ د ژيړۍ ولسوالۍ ٢٠٠ بېسرپرسته کورنيو سره نقدي مرسته ترسره او په هرې کورنۍ ١٨زره او ٧٠٠ افغانۍ ووېشل شوې.
ياده مرسته د اوسلو مؤسسې له لوري چې د کار او ټولنیزو چارو وزارت سره هوکړه لیک لري، وروسته له هغې چې دې مؤسسې په ژيړۍ ولسوالۍ کې سروې ترسره او په کې ٢٠٠ بېسرپرسته کورنۍ تثبیت کړې، د کندهار ولایت د کار او ټولنیزو چارو ریاست سره په همکارۍ یې له هرې کورنۍ سره ١٨زره او ٧٠٠ سوه افغانۍ په نقدي توګه مرسته وکړه.
د یادولو وړ ده چې د کار او ټولنیزو چارو ولایتي ریاست او د اوسلو مؤسسې له لورې به یادې مرستې په راتلونکې کې هم دوام پیدا کړي.
