د کار انسټیټیوټ کې د ظرفیت لوړونې شپږ ورځينی روزنیز ورکشاپ پای ته ورسېد
د کار او ټولنیزو چارو وزارت اړوند د کار په انسټیټیوت کې د ادارې او کارکوونکو حقوق، امتیازات او مکلفیتونو څخه د پوهاوي تر عنوان لاندې د ظرفیتلوړونې شپږ ورځينی روزنیز ورکشاپ پای ته ورسېده. د ورکشاپ پایغونډې ته، د کار انسټیټیوت رئیس شریفالله شرافت په خپلو خبرو کې وویل: د کار او ټولنیزو چارو وزارت د خپلو نور مسؤلیتونو ترڅنګه له ټولو امارتي او غیر امارتي ادارو څخه د کارکوونکو د غوښتنو په اساس په مختلفو برخو کې د ظرفیتلوړولو په منظور لنډ مهاله او اوږد مهاله عملي او نظري روزنیز ورکشاپونه په لاره اچولي دې. تر څو ګن شمېر هېوادوال ترې برخمن شي او په ورځنیو کارونو کې ترې استفاده وکړي. همدراز نوموړي د خپلو راتلونکو برنامو په هکله خبرې وکړې او له ګډونوالو څخه یې وغوښتل، چې په یاد روزنیز ورکشاپ کې تر لاسه شوو معلوماتو، تجروبو او مهارتونو څخه په ورځینو فعالیتونو کې استفاده وکړي تر څو د غوره خدماتو په وړاندې کولو کې چټکتیا راشي.
