د کاري رژيم اړوند د کار او ټولنيزو چارو وزارت خبرتيا!
۱۳۹۹ هـ ش کال وروستيو شپږو مياشتو کې د ادارو د کارکوونکو د کار پيل او ختم د شپږو کاري ورځو پر بنسټ په لاندې ډول تنظيم شوی دی:
له شنبې تر چهارشنبې: د کار پيل د سهار (۸:۳۰) بجې او د کار پای د مازديګر (۳:۳۰) دی او د ورځې په جريان کې د لمانځه او ډوډۍ په موخه د غرمې له دولسو تر يوې بجې يو ساعت وقفه دی.
د پنجشنبې ورځو کې بيا د کار پيل د سهار ( ۸:۳۰) او د کار پای هم د ماسپښين ( ۱:۳۰) دی.
همدارنګه توليدي مؤسسې، خدمتي او دايمي فعالې څانګې، نشراتي، روغتيايي، پوهنې، لوړو زده کړو مؤسسې او غير دولتي ادارې د اقليمي شرايطو، مقرراتو، لايحو او کاري ځانګړتياوو ته په کتو سره خپل کاري رژيم په وروستيو شپږو مياشتو او په اونۍ کې د (۳۵) ساعته کار پر بنسټ تنظيم کړي.
