د جمهوري رياست عالي مقام دويم مرستيال سره د کار او ټولنيزو چارو وزارت رهبرۍ ليدنه
کابل: ۱۴۰۰/۴/۱۴
د کار او ټولنيزو چارو وزارت وزير بشير احمد ته ينج په داسې حال کې چې د کاري چارو مرستيال عبدالغفور ملکزي او د ټولنيزو چارو مرستيال غلام حيدر جيلاني يې هم ملتيا کوله، د جمهوري رياست عالي مقام دويم رستيال قانونپوه استاد محمد سرور دانش سره يې و کتل.
د کار او ټولنيزو چارو وزارت رهبرۍ دې ليدنه کې د وزارت د لاسته راوړنو اړوند معلومات وړاندې کړل او د کړنو د لا ښه والي په موخه يې د اداري، بودجې او سرچينو اړوند ستونزو د حل غوښتنه يې وکړه.
د جمهوري رياست عالي مقام دويم مرستيال قانونپوه محمد سرور دانش د کار او ټولنيزو چارو وزارت رهبرۍ د کړنو راپور اوريدو څخه وروسته د ياد وزارت د کړنو څخه د خوښۍ په څرګندولو سره د همکارۍ ژمنه وکړه او ډاډ يې ور کړ، چې د کار او ټولنيزو چارو وزارت د بودجوي او اداري ستونزو رسيدو برخه کې به هر اړخيره همکاري وکړي.
