د یتیمو او بېسرپرسته ماشومانو ستونزو ته د رسېدو په موخه د ماشوم ساتنې کمېټې نوبتي ناسته وشوه
د کار او ټولنیزو چارو وزارت؛ د ماشوم ساتنې ریاست په مشرۍ، د امارتي ادارو او همکارو ملي او نړیوالو موسسو د دایمي استازو په حضور کې د ماشوم ساتنې کمېټې نوبتي ناسته وکړه.
د ناستې په پیل کې د ماشوم ساتنې رئیس مولوي نجیبالله وقاد په خپلو خبرو کې د اسلام مبارک دین له نظره د یتیمو او بېسرپرسته ماشومانو د ساتنې او د هغوی د حقوقو سربېره د یادې کمېټې د ترسره شویو فعالیتونو، لاستهراوړنو، ستونزو یادونه وکړه او د ۱۴۰۵ کال په کاري پلان هر اړخیزه خبرې وکړې.
همداراز نوموړي د همکارو امارتي ادارو او موسساتو له دایمي استازو سره په همغږۍ ټینګار وکړ، چې د اړمنو، شاقهکارو، راستنېدونکو، یتیمو او بېسرپرسته ماشومانو ملاتړ، هغوی ته د ژوند د اسانتیاوو برابرول، د ښوونې او روزنې، روغتیايي خدمتونو او سرپناه برابرولو او له خپلو کورنیو سره د هغوی بېرته یوځای کول، خپل اساسي مسئولیت ګڼي.
په پای کې، د همکارو امارتي ادارو او موسساتو دایمي استازو د خپلو فعالیتونو، لاستهراوړنو، ستونزو او غوښتنو د شریکولو ترڅنګ، د یتیمو او بېسرپرسته ماشومانو ستونزو ته د رسېدنې په موخه د ماشوم ساتنې ریاست له مسئولینو سره د لا زیاتو همکاریو ډاډ څرګند کړ.
