د کوچني اختر په مناسبت ۵۶۹ تنه یتیمو او بې سرپرسته ماشومانو ته کالي ووېشل شو
ننګرهار ولايت د کار او ټولنيزو چارو ریاست په هڅو او همغږۍ؛ ۵۶۹ تنه یتیمو او بېسرپرسته ماشومانو د نېکمرغه کوچني اختر د رارسېدو په مناسبت یوه یوه جوړه اختریزې جامې ترلاسه کړې.
د کالیو د وېش پر مهال د ننګرهار ولایت د کار او ټولنیزو چارو رئیس مولوي فریدالله حقاني په خپلو خبرو کې د مجددي حضراتو شورا د مسؤلینو له مالي ملاتړ څخه د مننې سربېره وویل: یتیم ماشومان د ټولنې هغه قشر دی، چې ځانګړې پاملرنې او ملاتړ ته اړتیا لري او همدارنګه یتیمو او بېسرپرسته ماشومانو روزنه، تعلیم، هغوی ته د ژوند شرایطو او سرپنا برابرول زموږ دنده او مسؤلیت دی.
همداراز نوموړي د خپلو خبرو په دوام له نورو همکارو ملي او نړیوالو موسساتو او خیریه مرستندویه بنسټونو څخه هم د نېکمرغه کوچني اختر د را رسېدو په مناسبت د ورته مرستو او همکایو غوښتنه وکړه.
