په زابل کې ۳۰۰ اړمنو، یتیمو او بې سرپرستو ماشومانو کورنیو ته خوراکي توکي ووېشل شول
د زابل ولایت د کار او ټولنیزو چارو ریاست په هڅو؛ د یاد ولایت په مرکز قلات ښار کې د روژې مبارکې میاشتې په مناسبت ۳۰۰ اړمنو، یتیمو او بې سرپرستو ماشومانو کورنیو ته خوراکي توکي ( اوړه، غوړي، وریجې، چای، بوره، روب، مالګه او مکروني) ووېشل شول. په همدې مناسبت جوړه شوې غونډې ته؛ د زابل ولایت د کار او ټولنیز چارو رئیس الحاج مولوي عبدالوکیل خادم په خپلو خبرو کې له همکارې مؤسسې« تیکا» څخه د مننې سربېره، له نورو مرستندویه بنسټونو او خیریه مؤسساتو څخه هم دې ته ورته مرستو او همکاریو غوښتنه وکړه.
