د داخلي تفتیش رئیس په مشرۍ پلاوي؛ د پکتیکا ولایتي ریاست چارې وارزولي
د کار او ټولنیزو چارو وزارت د داخلي تفتیش رئیس ملا شرفالدین شرف په مشرۍ پلاوي، له لوګر ولایت وروسته، د پکتیکا د کار او ټولنیزو چارو ولایتي ریاست د چارو ارزونه وکړه. د داخلي تفتیش رئیس ملا شرفالدین شرف او ورسره مل پلاوي په پیل کې، د پکتیکا د کار او ټولنیزو چارو ریاست له ورځنیو کاري فعالیتونو او خدماتو، فني او حرفوي زدهکړو د مرکزونو او روزنتونونو څخه لیدنه وکړه او هلته یې د مېشتو یتیمو او بېسرپرستو ماشومانو جاج واخیست؛ د فني او حرفوي زدهکړو بهیر یې له نږدې ولید او د غوره خدماتو د وړاندې کولو په موخه یې ولایتي کارکوونکو ته لازمې لارښوونې او سپارښتنې وکړې.
