اختر په مناسبت ۴۰۴ تنو یتیمو او بې‌سرپرسته ماشومانو ته کالي ووېشل شول
د کونړ، کندز، پنجشېر او بلخ ولایتونو د کار او ټولنیز چارو ریاستونو په هڅو؛ ۴۰۴ تنو یتیمو او بې‌سرپرسته ماشومانو ته، چې ۲۰۰ تنه د کونړ ولایت، ۱۰۰ تنه د کندز ولایت، ۷۰ تنه د پنجشېر ولایت او ۳۴ تنه نور د بلخ ولایت اوسېدونکي دي، د راتلونکي نیکمرغه کوچني اختر په مناسبت کالي ترلاسه کړل.
د دې مرستو د وېش پرمهال؛ د یاد ولایتونو د کار او ټولنیزو چارو رئیسانو له همکارو او خیریه بنسټونو او اشخاصو څخه د مننې سربېره له نورو خیریه بنسټونو او همکارو مؤسساتو څخه هم دې ته ورته مرستو او همکاریو ِغوښتنه وکړه.
د یادونې وړ ده، چې په په کونړ کې د کار او ټولنیزو چارو ریاست، کندز کې د هدف خیریه بنسټ، پنجشېر ولایت کې، د والي الحاج حافظ محمد‌آغا حکیم او په بلخ کې د روزنتون د مدیریت یو تن استاد په مالي ملاتړ د نیکمرغه کوچنې اختر په مناسبت یادې مرستې ووېشل شوې.
