بلخ کې ۲۹ اړمنو او بېوزلو کسانو ته د کوچنیو کاروبارونو زمینه برابره شوه
د بلخ ولایت د کار او ټولنیزو چارو ریاست په هڅو او همغږۍ؛ ۲۹ اړمنو او بېوزلو اشخاصو ته، چې د یوې شفافې او منظمې سروې په ترڅ کې تشخیص شوي وو؛ د کوچنیو کاروبارونو د برابرولو په موخه، هر یو ته ۲۶۴۰۰؛ مجموعاً ۷۶۵۶۰۰ افغانیو په ارزښت د سوداګرۍ او خیاطۍ اړوند کاري وسایل ووېشل شول.
د یادو توکو د وېش پر مهال؛ د بلخ ولایت د کار او ټولنیزو چارو رئیس الحاج مولوي عبدالرحیم قانت د قطر سرې میاشتې ټولنې له همکارې مؤسسې څخه د مننې سربېره له نورو ملي او نړیوالو موسساتو او خیریه مرستندویه بنسټونو څخه هم د مرستو او همکاریو غوښتنه وکړه، ترڅو په هېواد کې په اساسي توګه د بېوزلو او اړمنو کورنیو لاسنیوی او ملاتړ وشي.
