د استرليا افغان مسلمانونو اسلامي بنسټ مرستيال سره د کار او ټولنيزو چارو وزير ليدنه
د کار او ټولنيزو چارو وزير ملا عبدالولي څارنوال( حاجي وارث) د استرليا افغان مسلمانانو اسلامي بنسټ مرستيال محمد ايوب احمدزي سره وکتل.
پيل کې د استرليا مسلمانانو اسلامي بنسټ مرستيال محمد ايوب احمدزي؛ استرليا کې د ياد بنسټ د غړو نيک احساسات او په کور دننه د بیوزلو د لاسنيوي اړوند خبرې وکړې و يې ويل: موږ په دې سختو حالاتو کې افغانان له ياده نه دي ويستلي او د هيواد له بيوزلو سره به خپلې مرستې جاري و ساتو؛ هڅه کوو چې کار او ټولنيزو چارو وزارت سره په همغږۍ د يتيمو او بې سرپرسته ماشومانو مرسته هم وکړو.
وروسته د کار او ټولنيزو چارو وزير ملا عبدالولي څارنوال( حاجي وارث) د ياد بنسټ له اسلامي هڅو څخه د مننې ترڅنګ د ياد بنسټ مرستيال ته د تهيه مسکن او علاوالدين روزنتونونه معرفي کړل او د روزنتونو عمومي رئيس ته يې لارښوونه وکړه څو د استرليا افغان مسلمانانو اسلامي بنسټ د مرستو په ښه تنظيم او دوه اړخيز هوکړه ليک برخه کې د نوموړي بنسټ له مرستيال سره همکاري وکړي.
د استرليا افغان مسلمانانو اسلامي بنسټ مرستيال په وينا چې تر دې مهاله يې ۱۴۰۰ بې سرپرسته کورنيو سره مرسته کړې ده.
