د هرات کار او ټولنيزو چارو رياست کارکوونکو سره د کار او ټولنيزو چارو وزير ناسته
د کار او ټولنيزو چارو وزير بشير احمد ته ينج او مل پلاوي؛ هرات ولايت ته د کاري سفر په ترڅ کې د هرات ولايت د کار او ټولنيزو چارو رياست څخه ليدنه وکړه؛ د ياد رياست رييس او کارکوونکو سره په ناسته کې يې د هغوی ستونزې او وړانديزونه واوريدل او د حل په موخه يې له مرکز څخه ورسره مل پلاوي او مسؤلينو ته لازمې لارښوونې او سپارښتنې وکړې.
د ويلو دی، چې د کار او ټولنيزو چارو وزير بشير احمد ته ينج به هرات ولايت ته د خپل کاري سفر په لړ کې د ياد ولايت روزنتونو، وړکتونو، ماشومانو ملاتړ مرکز او د کار او ټولنيزو چارو رياست ټولنيزو شريکانو او ذيدخله ادارو استازو سره هم و ګوري.
