د کار او ټولنیزو چارو وزارت کې د پلانجوړونې روزنیز پروګرام جوړ شو
د کار او ټولنیزو چارو وزارت د پلان او پالیسۍ ریاست له لوري؛ دا ځل د مالي او اداري چارو معینیت اړوند د بېلابېلو ریاستونو کارکوونکو ته د ظرفیتلوړونې په موخه، د کارکوونکو له لوري د پلانجوړونې تر عنوان لاندې یو ورځینی روزنیز پروګرام جوړشو.
د دې روزنیز پروګرام په پیل کې، مالي او اداري چارو معین الحاج مولوي دین محمد حقبین په خپلو خبرو کې د پلان پر تطبیق، په یوه اداره کې د پلان پر ارزښت، په فعالیتونو کې د همغږۍ، په خپل وخت د چارو ترسره کولو او په ورځینو چارو کې د همکارۍ په اړه هر اړخیزه خبرې وکړي.
ورپسې د پلان او پالیسۍ رئیس مولوي محبالله حبیبي هم په خپله وینا کې د دې روزنیزې برنامې د ارزښت او ګټو د بیان سربېره، د دې برنامې له ټولو ګډونوالو وغوښتل، چې په دې پروګرام کې له ترلاسه شویو زدهکړو، مهارتونو او تجربو څخه په خپلو ورځنیو چارو کې په غوره توګه استفاده وکړي.
د یادونې وړده، چې د پلان د جوړښت، د پلان په ډولونو، ځانګړڼو او اهمیت په اړه ګدونوالو ته هر اړخیز معلومات د یاد ریاست د پلان د طرح او تدوین آمر میرویس نیازي له لوري وړاندې کړل.
هېره دی نه وي؛چې له دې وړاندې یاده روزنیزه برنامه؛ د کار چارو او ټولنیزو چارو معینیتونو کارکوونکو ته هم ورکړل شوې وه.
