د کار او ټولنیزو چارو وزارت د روان کال په لومړۍ ربعه کې۱۱۸ امارتي او غیر امارتي ادارې پلټلي دي
د کار او ټولنیزو چارو وزارت اړوند د کار تفتیش او لارښوونې ریاست له لوري د ۱۴۰۴ کال په لومړۍ ربع کې ۱۱۸ امارتي او غیر امارتي ادارې پلټل شوي دي.
په یادو ۱۱۸ ادارو کې ۱۲ امارتي او مستقلې ادارې، ۸۰ تولیدي شرکتونه او تخنیکي تصدۍ او ۲۶ داخلي او خارجي مؤسساتو او انجوګانو تفتیش ترسره شوی دی، چې په پایله کې هغه ۸۴۸۵ تنه هېوادوال او ۴۳ تنه خارجي وګړی؛ په ګوته شوې چې د کار د جوازونه یې نه درلودل؛ او د کار جواز د ترلاسه کولو لپاره د کار او ټولنیزو چارو وزارت اړوند د بشرې ځواک لوی ریاست ته په رسمي ډول معرفي شول.
هېره دی نه وي؛ چې په ادارو کې د تفتیش چارې د قوانینو، اصولو او مقرراتو مطابق ترسره کیږي، چې په کاري چاپیریال کې د فساد، بېنظمۍ او غفلت د مخنیوي سربېره؛ د کارګرانو د حقوقو، امتیازاتو، ایمنی، مزد او معاش، د قرارداد شرایطو او اضافهکار پوښتنه او پلټنه هم کیږي؛ ترڅو کارګرانو او کارکوونکو ته خوندي کاري چاپيریال برابر شي.
