تورخم کې د کار او ټولنیزو چارو وزارت مؤظف تخنیکي ټيم، پرون دوشنبه ۱۳۱۴تنه بیا راستانه شوي هېوادوال سیستم کې ثبت کړيدي
راستنیدونکو هیوادوالو ته د خدماتو د تنظیم کمیـټې تر چتر لاندی او د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، تورخم ته د دې وزارت استول شوی تخنیکي ټیم پرون د دوشنبې په ورځ نور ۱۳۱۴تنه بېرته راستانه شوي هېوادوال سیستم کې ثبت او هم یې په اړونده برخو کې هغوی ته لازم خدمات وړاندې کړل.
د کار او ټولنیزو چارو وزارت د تخنیکي ټیم په وینا یادو کسانو کې۱۴تنه د قرآن عظیمالشان حافظان، ۴۵تنه له دوولسم ټولګي فارغ، ۳تنه لسانس، ۴۰۲تنه فني او حرفوي اشخاص او ۸۳۸تنه نور غریبکار هېوادوال شامل دي. په همدې توګه یاد ټیم له کورنیو سره د څو تنو ورکو شویو ماشومانو په پیداکولو، د زیانمنو اقشارو څخه د ملاتړ، ترانسپورتي خدماتو، روغتیايي مراکزو ته د بیرته راستانه شویو لاسرسی، مختلفو برخو کې د عامه پوهاوي او اړینو مشاورو وړاندې کول او د هغوی د انتقال په برخو کې هم خدمات ترسره کړي.
