امید د فني او حرفوي زده کړو مرکز څخه د کار او ټولنیزو چارو وزیر لیدنه
د کار او ټولنیزو چارو وزیر بشیر احمد ته ینج نن سهار په نشه یي توکو د روږدو کسانو لپاره د کار او ټولنیزو چارو وزارت د امید د فني او حرفوي زده کړو مرکز څخه لیدنه و کړه.
ښاغلي ته ینج د یاد مرکز څخه د لیدنې پر مهال د نوموړي مرکز له لیلې، ښوونیزو صنفونو، طعام خانې، ديپو ګانو او نورو مختلفو بخشونو څخه لیدنه و کړه؛ په نشه یي توکو د روږدو کسانو ستونزې یې واوریدې او د حل ژمنه یې و کړه.
د کار او ټولنیزو چارو وزیر په نشه یي توکو روږدو کسانو ته په خطاب وویل: تاسو با اراده خلک یئ، هڅه و کړئ، چې حرفې زده او راتلونکې کې د خپلو کورنیو سره مرسته وکړئ؛ موږ ستاسو پر وړاندې مسؤلیت لرو او ستاسو ستونزو ته به حتما رسیده ګي کوو.
د کار او ټولنیزو چارو وزیر، پر نشه یي توکو د روږدو کسانو لپاره امید د فني او حرفوي زده کړو مرکز وضعیت د قناعت و نه ښود، مسؤلینو ته یې اړینې او جدي سپارښتنې و کړې و یې ویل: ستاسو برخورد د دې کسانو پر روغتیا مستقم اغیز لري او هڅه و کړئ، څو د حرفې ور زده کولو تر څنګ ورته وخت په وخت د تفریح زمینه هم برابره کړئ.
