کونړ کې ۴۰ تنه ځوانان له فني او حرفوي زدهکړو فارغ شول
د کونړ ولایت د کار او ټولنیزو چارو ریاست د هڅو په پایله کې؛ ۴۰ تنه ځوانان د خیاطۍ په حرفه کې تر شپږمیاشتنیو نظري او عملي زدهکړو وروسته فارغ او د کاروبار د پیل په منظور یې کاري وسایل هم ترلاسه کړل.
په همدې مناسبت جوړې شوې فراغتغونډې ته د کونړ ولایت د کار او ټولنیزو چارو رئیس مولوي مجیبالله عمر په خپلو خبرو کې د همکارې مؤسسې صدف له همکاریو د مننې سربېره وویل: د ا.ا.ا په ځانګړې ډول د کار او ټولنیزو چارو وزارت دنده او مسئولیت دی، چې هېوادوالو ته په بېلابېلو برخو کې د فني او حرفوي زدهکړو زمینه برابره کړي، ترڅو دوی وکولي شي خپلو کورنیو ته د حلالې نفقې د پیداکولو وسیله وګرځي.
همداراز نوموړي له فارغ شویو ځوانانو وغوښتل، چې له ترلاسه شویو زدهکړو او مهارتونو څخه په غوره توګه استفاده وکړي او خپل کسب نورو هېوادوالو ته هم ورسوي، تر څو په ټولنه کې د بېکارۍ کچه راټیټه شي.
د کونړ ولایت څخه د یو بل خبر له مخې:
د کونړ ولایت د کار او ټولنیزو چارو ریاست په هڅو، د یاد ولایت څوکۍ او ګربزو ولسوالیو او د خاص کونړ په عثماني پنډغالي کې ۱۱۳ تنه د زلزلې له امله زیانمن شويو ماشومانو او لویانو سره د هارو همکارې مؤسسې په مالي ملاتړ د ۱۴۹۶۰۰ افغانیو په ارزښت نقدې مرسته وشوه.
