د کار او ټولنیزو چارو وزارت، په تېرو اتو میاشتو کې د څه باندې ۷۷۰۰ماشومانو قضیو ته رسېدنه کړې ده
د ۱۴۰۳هـ.ش کال په لومړیو اتو میاشتو کې د کار او ټولنیزو چارو وزارت او اړوندو ولایتي ریاستونو په هلو ځلو په ټول هېواد کې د شاوخوا ۷۷۳۲ تنه ردمرزي او لادرکه ماشومانو قضیو رسېدنه شوې ده.
د کار او ټولنیزو چارو وزارت د ماشوم ساتنې ریاست د ارقامو له مخې په مرکز کې د ۱۸۲۷تنو ماشومانو قضیو ته د رسېدنې سربېرهد مختلفو ولایتونو شاوخوا ۵۹۰۵تنه رد مرزي ماشومان هم خپلو کورنیو تهبیرته سپارل شوي دي .
په دې ماشومانو کې ډېری د کابل، هرات، تخار، فاریاب، سرپل، سمنګان او لغمان ولایتونو اوسېدونکي دي، چې د ایران، پاکستان، سعودي عربستان او ترکیې هېوادونو څخه ردمرز شوي وو، د کار او ټولنیزو چارو وزارت او اړوندو ولایتي ریاستونو په هڅو له خپلو کورنیو سره یو ځای شوي دي.
د یادونې وړ ده، چې د کار او ټولنیزو چارو وزارت، اړوندو ولایتي ریاستونو او همکارو مؤسساتو په ګډو هڅو د دې ماشومانو د کورنیو تر پیدا کېدو پورې د دوی د استوګنې، خوراک، څښاک او د لارې کرایې سربېره د ماشوم ساتنې کمېټې له لوري د ماشومانو د حقونو په اړه ماشومانو او د هغوی کورنیو ته د عامه پوهاوي پروګرامونه هم وړاندې شوي دي.
