نیمروز کې ۸۰ تنو ځوانانو ته د فني او حرفوي زدهکړو زمینه برابره شوه
د نیمروز ولایت د کار او ټولنیزو چارو ریاست اړوند د فني او حرفوي زده کړو مرکز ته د داوطلبانو د لارموندنې په موخه آزموینه واخیستل شوه.
په دې آزموینه کې ۲۰۰ تنو ځوانانو ګډون کړی وو، چې له دې جملې څخه تر آزموینې اخیستلو وروسته ۸۰ تنه ځوانان په شرایطو برابر او بریالي وبلل شول، چې بریاليو شويو ځوانانو ته به په څلورو (خیاطۍ، نجارۍ، موبایل او یخچال جوړولو) رشتو کې د شپږ میاشتنیو عملي او نظري زدهکړو پروګرام جوړ او تر فراغت وروسته به ورته سندونه توزیع او د ماهرو او نیمه ماهرو کاریګرو په توګه به د کار بازار کې شامل شي.
ورته مهال په دې وروستیو کې د نیمروز ولایت د کار او ټولنیزو چارو ریاست د فني او حرفوي زدهکړو له مرکز څخه ۵۰ تنه ځوانان د نجارۍ، موبایل او یخچال جوړولو حرفو له شپږ میاشتنیو زدهکړو وروسته فارغ او د ماهرو او نیمه ماهرو کاریګرو په توګه ټولنې ته وړاندې شول.
هېره دې نه وي، چې د فني او حرفوي زدهکړو پروګرامونه د کار او ټولنیزو چارو وزارت له بودجې څخه تمویلېږي او موخه یې د کار بازار د اړتیاوو په اساس د ماهرو کاریګرو عرضه، د کاري فرصتونو برابرول، د ټولنې ځان بسیاینه، مستحقو ځوانانو ته کارموندنه او د بېکارۍ او بېوزلۍ د کچو ټیټول دي.
