په لوګر او بادغیس کې یتیمو او بېسرپرستو ماشومانو ته نقدي پیسې، البسه او حفظالصحې توکي ووېشل شول
د بادغیس ولایت د کار او ټولنیزو چارو ریاست په هڅو او همغږۍ؛ ۱۳۸ تنو یتیمو او بېسرپرسته ماشومانو د البسه او حفظالصحې توکو مرسته ترلاسه کړه.
د توکو د وېش پر مهال د بادغیس ولایت د کار او ټولنیزو چارو رئیس ملاتورجان خادمي له مرستندویه موسسو څخه د مننې سربېره؛ وویل: خوښ یو چې د مني موسم په رارسیدو سره؛ ۱۳۸ تنه ماشومانو ته، د ۳۱۵۰۰۰ افغانیو په ارزښت؛ د البسه او حفظالصحې توکي لکه: قلم، کتابچه، شامپو، صابون، د غاښونو برس او کریم، رویپاک، دستپاک او زیر پېراهني وېشو.
د یو بل خبر له مخې د لوګر ولایت د کار او ټولنیزو چارو ریاست په هڅو او همغږۍ ۴۲ تنه یتیمو او بېسرپرسته ماشومانو ته؛ نقدې پیسې هر ماشوم ته ۱۰۰۰۰ افغانۍ، مجموعاْ ۴۲۰۰۰۰ افغانۍ ووېشل شوې.
د لوګر او بادغیس ولایتونو د کار او ټولنیزو چارو رئیسانو په خپلو خبرو کې د همکارو خیریه بنسټونو څخه د مننې سربېره له همکارو کورنیو، نړیوالو موسساتو او نورو خیریه بنسټونو څخه هم د ورته مرستو او همکاریو غوښتنه وکړه، ترڅو په هېواد کې د یتیمو او بېسرپرستو ماشومانو ستونزو ته د رسېدنې سربېره د هغوی لاسنیوی او ملاتړ وشي.
د یادونې ده، چې په لوګر کې د نصیر نصرت خیریه بنسټ او په بادغیس کې د صوفیه خیریه بنسټ له لوري یادې مرستې ووېشل شوې.
