د کار چارو معین چپرهار ولسوالۍ ته سفر وکړ
د کار او ټولنیزو چارو وزارت، د کار چارو معین الحاج مولوي محمد زاهد احمدزي، د ننګرهار ولایت چپرهار ولسوالۍ ته په خپل سفر کې ٦٠ تنو بېرته راستانهشويو هېوادوالو ته د فني او حرفوي زدهکړو برنامه پرانېسته.
د کار چارو معین، په همدې مناسبت جوړې شوې ناسته کې وویل: د افغانستان اسلامي امارت بېرته راستنېدونکو هېوادوالو ته د کارموندنې، سرپناه او پانګهوالو ته د صنعتي ښارګوټو د برابرولو په موخه عملي اقدامات کړي او ژمن دی، چې په دې برخو کې روانې هڅې لا ګړندۍ کړي.
الحاج مولوي محمد زاهد احمدزي زیاته کړه: د امیرالمؤمنین حفظهالله تعالی د حکم مطابق؛ د کار او ټولنیزو چارو وزارت هم کارموندنې کمېټې د مسوول په توګه، هڅه کوي چې د اړوندو امارتي او غیر امارتي ادارو او خصوصي سکتور سره په همغږۍ بېرته راستنېدونکو ته کاري فرصتونه برابر او ترڅنګ یې لېواله او په شرایطو برابرو ځوانانو ته فني او حرفوي زدهکړې ورکړي.
د یادولو ده چې چپرهار ولسوالۍ کې ٦٠ تنو بېرته راستانه شويو ځوانانو ته د مبایل، رېکشا او سولری برېښنا د ترمیم په حرفو کې د ډاکار همکارې مؤسسې په همکارۍ، د اوو میاشتنیو زدهکړو زمینه برابره شوه.
