د کار او ټولنيزو چارو وزير سره د ترکيې هېواد نظامي اتشې ليدنه
دې ليدنه کې دواړو لوريو د فني او حرفوي زده کړو په ځانګړې توګه د افغان ـ جايکا فني او حرفوي زده کړو مرکز لا ښه سمبالښت اړوند هر اړخيز بحث وکړ.
همدارنګه د ترکيې هېواد د مرستو په دوام او د افغان ـ جايکا د فني او حرفوي زده کړو سمبالښت په موخه د ترکيې هيواد ګډو ځواکونو قومندانۍ، ملکي برخو سره د نظامي مرستو ادارې له خوا د ياد مرکز د خياطۍ څانګه په وسايلو سمبال او نن د کار او ټولنيزو چارو وزير او افغانستان کې د ترکيې هيواد د استازي له خوا پرانستل شوه.
د کار او ټولنيزو چارو وزير بشير احمد ته ينج د دوست هيواد ترکيې له مرستو مننه وکړه و يې ويل: ترکيې له افغانانو سره په هرو شرايطو کې مرسته کړې او موږ يې منندوی يو.
د ترکيې هېواد د ګډو ځواکونو قومندانۍ ملکي برخو سره د نظامي مرستو ادارې د افغان ـ جايکا د فني او حرفوي زده کړو مرکز د خياطۍ څانګې سره د ۱۸ پايې خياطۍ ماشينونو، برقي موتور، د خياطۍ ميز او نورو اړينو وسايلو مرسته وکړه، چې د ياد ماشينونو په نصب سره به ګڼ شمير نورو هيوادوالو ته هم د فن او حرفې زمينه برابره شي.
د ويلو ده، چې د کار او ټولنيزو چارو وزارت د ښو اړيکو ټينګښت په موخه د زيانمن شوي قشر لپاره د فني او حرفوي زده کړو مرکز د دريوو څانګو سمبالښت پروپوزل د ياد هيواد استازي ته و سپارل شو او مقابل لوري هم د همکارۍ ژمنه وکړه.
