د نړيوال بانک استازي سره د کار او ټولنيزو چارو وزارت رهبرۍ ويديو کنفرانس
د کار او ټولنيزو چارو سرپرست بشير احمد ته ينج د نړيوال بانک استازي سره د ويډيو کنفرانس له لارې د پيژندګلوۍ او د جنسيت پر بنسټ د تاوتريخوالي او زور زياتي اړوند خبرې و کړې.
د کار او ټولنيزو چارو سرپرست د خپلو خبرو په ترڅ کې د نړيوالو بانک له هميشه ګي مرستو د مننې ترڅنګ، ياد بانک د افغانستان دولت او د کار او ټولنيزو چارو وزارت يو قوي همکار او ملاتړ کوونکی ياد کړ.
نوموړي په هيواد کې د ښځو پر وړاندې تاوتريخوالی يوه مهمه ستونزه ياده کړه زياته يې چې په تيرو کلونو کې د خلکو د استازي په توګه او همدارنګه د ټولنې له هر قشر نه د هر اړخيزو معلوماتو په درلودلو سره پوهيږي، چې هيواد کې ميرمنې کومې ستونزې لري، نومړي و ويل چې د کار او ټولنيزو چارو وزارت د سرپرست په توګه به د دې وزارت په چوکاټ کې د ښځو ستونزو ته رسيده ګي وکړي.
ښاغلي ته ينج وويل چې د کار او ټولنيزو چارو وزارت کې د ښځو فيصدي ډيره زياته ده، نوموړي همدارنګه زياته کړه، چې د وزارت د سرپرستۍ په لومړنيو ناستو کې يې د ښځو د ظرفيت لوړولو په برخه کې له خپلو همکارانو سره خبرې کړي او دې برخه کې ژمن دی.
ناسته کې د نړيوال بانک د عملياتي برخې آمرې ميرمن هما د وزارت د سرپرست له فعاليتو او موخو څخه خوښي څرګنده کړه، زياته يې کړه چې لوګر ولايت کې د زده کړو په بهير کې د تاوتريخوالي اړوند کومه پېښه چې را منځ ته شوې وه، د يادې پېښې د څيړلو په موخه د ولسمشر محمد اشرف غني په حکم د ماليې وزارت په رهبرۍ او د ملي او نړيوالو ادارو په استازيتوب يوه تخنيکي کمېته جوړه شوې ده، چې هرې شپږ هفتې وروسته يو ناسته لري؛ نوموړې وويل لکه څنګه چې د کار او ټولنيزو چارو وزارت د کار، پاليسو، کاري طرزالعملونو او مختلفو برخو کې د مسودو جوړولو برخه کې يو کليدي وزارت دی؛ نو په همدې موخه يې د وزارت له رهبرۍ و غوښتل څو د يادې تخنيکي کميتې د غړيتوب په موخه خپل يو تن استازی معرفي کړي.
د کار او ټولنيزو چارو وزارت د جندر برخې آمرې وويل، چې ۱۳۹۷ کال کې د ښځو پر وړاندې د تاوتريخوالي او زور زياتي مخنيوي عالي کميسيون د دې وزارت په رهبرۍ جوړ شوی دی، نوموړې د نړيوال بانک له استازي و غوښتل څو د دواړو تخنيکي کمېټو تر منځ يوه همغږي رامنځ ته شي.
پای کې د کار او ټولنيزو چارو وزارت سرپرست يو ځل بيا د نړيوال بانک له همکاريو او مرستو مننه و کړه او ژمنه يې و کړه، چې د يادې تخنيکي کمېټې د غړيتوب په موخه چې د معينانو په سطحه دی، د وزارت يو استازی به ور معرفي کړي.
