پکتیا کې ۱۶۰ تنه ځوانان له فني او حرفوي زدهکړو فارغ شول
د پکتیا ولایت د کار او ټولنیزو چارو ریاست اړوند د فني او حرفوي زدهکړو له مرکز څخه ۱۶۰ تنه ځوانان" د خیاطۍ، موبایل ترمیم، ودانیزې برېښنا او د موټرسایکل ترمیم" په حرفو کې تر شپږ میاشتنیو نظري او عملي زدهکړو وروسته فارغ شول.
په همدې مناسبت جوړې شوې فراغتغوڼدې ته د پکتیا ولایت د کار او ټولنیزو چارو رئیس قاري محمد رحیم نصرت په خپلو خبرو کې راغلو میلمنو ته د ښه راغلاست سربېره وویل: دا زمونږ دنده او مسؤلیت دي، چې د فن او حرفې په برخو کې دې ته ورته نورې ګټورې برنامې د یاد ولایت په مرکز او نورو ولسوالیو کې تنظیم کړو، ترڅو ځوانانو ته د کسب زدهکړې ترڅنګ د کار زمینه هم برابره شي او دوی وکولی شي خپلو کورنیو ته حلاله نفقه پیدا کړي.
ورپسې د مهارتونو د پراختیا لوی رئیس مولوي رحیمالله صراح، فارغ شویو ځوانانو ته د مبارکۍ سربېره وویل: د ا.ا.ا مسئولین هڅه کوي، چې هېوادوالو ته د فني او حرفوي زدهکړو په مټ د کاري فرصتونو زمینه برابره کړي، ترڅو په ټولنه کې د بېکارۍ او بېوزلۍ کچه راټیټه شي.
همدارنګه مولوي صراح له فارغانو څخه غوښتنه وکړه، چې له تر لاسهشویو تجربو او مهارتونو څخه سالمه استفادې سره کوښښ وکړي، ترلاسه شوی مهارت نورو هېوادوالو ته هم انتقال کړي.
د یادولو وړده، چې د یادو ۱۶۰ تنو ځوانانو فراغت سره سم؛ ۲۸۰ تنه نورو ځوانانو ته په خیاطۍ، ودانیزې برېښنا، موبایل ترمیم، موټرسایکل ترمیم، ترکاڼۍ او فلزکارۍ حرفو کې د شپږ میاشتنیو زدهکړو زمینه هم برابره شوه.
