ارزګان کې پنځو کورنیو ته د کوچنيو کاروبارونو برابرولو لپاره مرسته وشوه
د ارزګان ولایت د کار او ټولنیزو چارو ریاست په هڅو په مرکز ترینکوټ کې د پنځو غریبو او بیوزلو کورنیو غړو ته د کاروبار د برابرولو په موخه هر کس ته د یو باب دوکان پرانیستلو په پار د ۶۰۰۰۰ افغانیو په ارزښت د خرڅلاو توکي وویشل شول، ترڅو هغوی د دوامداره کار څښتن شي او خپلې کورنۍ ته حلاله نفقه برابره کړي.
د دې مرستو د وېش په موخه جوړې شوې غونډې ته د وینا پر مهال د ارزګان ولایت د کار او ټولنیزو چارو رئیس مولوي ګل آغا حافظ اتل په خپلو خبرو کې وویل: هیوادوالو ته د کاري فرصتونو د ایجاد په موخه د یو شمیر بېوزله کورنیو سروې ترسره شوې وه، چې له دې ډلې څخه د KRO مؤسسې په مرسته؛ پنځو تنو بیوزلو او اړمنو کسانو ته د درېیو لکو افغانیو په ارزښت کوچني کاروبارونه برابر شول.
مولوي حافظ اتل په خپلو خبرو کې له نور مؤسساتو څخه غوښتنه وکړه، چې د ارزګان ولایت په مختلفو ولسوالیو کې دې بېوزله کورنیو سره ورته همکاریو ته ادامه ورکړي
