د کار چارو معین د پکتيا ولايت د کار او ټولنیزو چارو ریاست چارې و ارزولې
د کار او ټولنیزو چارو وزارت، د کار چارو معین الحاج مولوي محمد زاهد احمدزي، د پکتيا ولايت د کار او ټولنیزو چارو ریاست څخه لیدنه ترسره او د دې ریاست چارې یې و ارزولې.
په پیل کې د دې ولایت د کار چارو رئیس، قاري عبدالرحیم نصرت مېلمنو ته د ښه راغلاست سربېره، د پکتيا زون په کچه د کار جوازونو د برېښنايي سیستم د فعالیت د پیل او له دې لارې هېوادوالو ته د سهولت د برابرېدو په اړه توضیحات شریک او هم یې له ځينو همکارو مؤسسو سره مختلفو برخو کې د هوکړه‌ليکونو او په دې برخه کې د ستونزو او ځيني نورو ادارو له لوري د وظیفوي تداخل څخه یادونه وکړه او په دې برخه کې یې د وزارت مقام د پاملرنې غوښتنه درلوده.
د کار چارو معین، الحاج مولوي محمد زاهد احمدزي له روانو فعالیتونو څخه خوښي وښوده او د دې زون اوسېدونکو ته د لا زیاتو خدماتو په ترسره کېدو د ټینګار سربېره یې، د شته ستونزو د حل ډاډ ورکړ.
