ننګرهار کې د څه باندې ۵.۶ میلیونه افغانیو په ارزښت؛ ۵۹۰ اړمنو کورنیو ته د نغدي پیسو مرسته ووېشل شوه
ننګرهار ولايت د کار او ټولنيزو چارو ریاست په هڅو او همغږۍ؛ ۵۹۰ اړمنو کورنیو ته، چې په بټيکوټ کې ۳۰۰ کورنیو، سپینغر کې ۱۴۶ کورنیو او په اچین ولسوالۍ کې ۱۴۴ کورنیو ته، چې د ځانګړې سروې په ترڅ کې تشخیص شوې وې د نغدي پیسو مرسته ووېشل شوه.
د یادو مرستو د وېش پرمهال د ننګرهار ولایت د کار او ټولنیزو چارو رئیس مولوي فریدالله حقاني په خپلو خبرو کې وویل: هرې کورنۍ ته په اوسط ډول ۹۶۵۷؛ مجموعاً ۵۶۹۸۰۰۰ افغانیو د نغدي پیسو مرسته ووېشل شوه، او هېلهمن یو، چې په دې سره به د یادو اړمنو کورنیو د ژوندانه ستونزې تریو بریده حل شي.
مولوي فریدالله حقاني د خپلو خبرو په دوام د ټيډيایچ نړیوالې موسسې څخه د مننې سربېره له نور همکارو ملي او نړیوالو موسساتو او مرستندویه خیریه بنسټونو څخه هم د ورته مرستو او همکاریو غوښتنه وکړه، چې د ژمي په موسم کې د اړمنو او بېوزلو کورنیو لاس نیووي او ملاتړ وکړي.
