د مالي او اداري چارو معین په مشرۍ د عوایدو او لګښتونو د ارزونې ناسته وشوه
د کار او ټولنیزو چارو وزارت؛ د مالي او اداري چارو معین الحاج مولوي دین محمد حقبین د خپل کار په دفتر کې د کارکوونکو چارو، معلوماتي ټکنالوژۍ، ، اداري او خدماتو، تدارکاتو ، د مالي او حسابي ریاستو له رئیسانو او استازو سره د غوره خدماتو د وړاندې پر څرنګوالي، د عوایدو بهتره مدیریت او بودجې د غوره مصرف پر څرنګوالي ناسته وکړه.
په پیل کې یادو رئیسانو د خپلو لاستهراوړنو، فعالیتونو، ستونزو او راتلونکو پلانونو سر بیره د وزارت د ضرورتونو پیژندلو، د اسنادو په برقي کولو، د چارو د لا ښهوالي په موخه د وزارت په داخل کې د نوو او پر مختللو سستمونو رامنځته ته کولو، معلولو مجاهدینو ته د فني او حرفوي زدهکړو زمینې پر برابرولو، د کار اهل کار ته د سپارلو، د اړتیا وړ توکو خریداري، د لګښتونو او عوایدو ترمنځ پر انډول، د نویو ایجاد شویو ریاستونو، قراردادونو او د ارزیابی د اجراآتو په اړه هر اړخیز بحثونه وشول؛ ترڅو په چارو او خدماتو کې ښه والي راشي.
وروسته د کار او ټولنیزو چارو وزارت د مالي او اداري چارو معین الحاج مولوي دین محمد حقبین په خپلو خبرو کې د یادو فعالیتونو او لاستهراوړنو ستاینه وکړه او په یاده برخه کې یې د لا زیاتو هلو ځلو او کوښښونو غوښتنه وکړه، ترڅو په کارونو کې غورهوالی او چټکتیا تر څنګ د اخلاص کچه هم زیاته شي.
