په تیرو دوو میاشتو کې د کار او ټولنیزو چارو وزارت لږ تر لږه ۲۹۰۰۰ بیرته راستنیدونکي هیوادوال ثبت کړي دي
د افغانستان د اسلامي امارت له لوري بېرته راستنېدونکو کډوالو ته د خدماتو د تنظیم کميټي سره په همغږۍ، او د کار او ټولنیزو چارو سرپرست وزیر الحاج ملا عبدالمنان عمري د هدایت سره سم، د دې وزارت کاري ټیمونو په تورخم ښارګوټي، سپینبولدک ولسوالۍ او انګور هډه کې ټولټال ۲۸۹۸۶ تنه؛ له پاکستان هیواد څخه بېرته راستنېدونکې هېوادوالو د تعلیم، تحصیل، تجربې او مسلکي وړتیاوو کچې د تثبیت په موخه په خپل سیستم کې ثبت کړي دي.
په همدې بهیر کې یوازې په تیرو دوو ورځو کې د کار او ټولنیزو چارو وزارت کاري ټیمونه وتوانېدل چې ۵۷۹ تنه، په راتلونکي کې د کارموندنې په بهیر کې د اسانتیا په موخه په تورخم او سپینبولدک ولسوالۍ کې ثبت کړي.
سربیره پردې د کار او ټولنیزو چارو وزارت کمیټو؛ د بېرته راستېدونکو کډوالو په لسګونو ماشومانو ته یې د رواني سلامتیا، چاودیدونکو توکو د اضرارو، حفظالصحې او نور برخو کې د عامه پوهاوي پروګرام په لاره واچول.
