د کار چارو معینیت د رهبرۍ ناسته اونیزه غونډه جوړه شوه.
د کار چارو معینیت اونیزه ناسته د کاري چارو مرستیال مولوي مخدوم عبدالسلام سعادت په مشرۍ او د یاد معینیت اړوند رئیسانو تر منځ جوړه شوه.
په دې ناسته کې د قانون مطابق د کنټرول څرنګوالي پلان طرحې، قوشتیپې، تاپي او نفت کاز را ایستلو پروژو او د بیکارۍ د له منځه وړلو په موخه یادو پروژو کې د افغان کارګرو د ښه تنظیم او بهر ته د کارګرو لیږولو اړوند هر اړخیز بحث و شو.
د کار چارو مرستیال مولوي مخدوم عبدالسلام سعادت د خپلو خبرو په ترڅ کې د کار او ټولنیزو چارو وزارت د کارګرو د حقوقو او له ټولو ادارو سره د کارونو او کارګرو د تنظیم برخه کې اساسي وزارت یاد کړ؛ و یې ویل: هڅه کوو، چې د خپل کاري ټیم په ملتیا او ګډه همکارۍ په هیواد کې بیکاري کنټرول او په کور دننه کارمونه زیاته کړو.
نوموړي د یادو موضوعاتو اړوند ټولو ریاستونو مشرانو ته لارښوونه و کړه؛ څو په خپلو چارو کې له صداقت څخه کار واخلي او په ښه همغږۍ د وطن او هیوادوالو خدمت و کړي.
