زابل کې ۲۵۰ تنه ځوانان له فني او حرفوي زدهکړو څخه فارغ شول
د زابل ولایت د کار او ټولنیزو چارو ریاست په هڅو؛ د شاجوی په ولسوالۍ کېله درېیم او وروستي پړاو څخه ۲۵۰ تنه ځوانان، چې د مولدجوړونې، ګلدوزۍ او خیاطۍ په حرفو کې د عملي او نظري زدهکړو وروسته فارغ، د ماهرو کاریګرو په توګه د کار بازار ته وړاندې او کاري وسایل پرې ووېشل شول.
هغه غونډې ته، چې په همدې مناسبت جوړه شوې وه د زابل ولایت د کار او ټولنیزو چارو ریاست استازي؛ په خپلو خبرو کې د افغانستان د بیاودانولو ملي مؤسسې څخه د مننه سربېره، له فارغ شویو ځوانانو څخه غوښتنه وکړه، چې له کاري وسایلو او وخت څخه په پوره ډول غوره استفاده وکړي، ترڅو خپل وطن ته د خدمت جوګه شي او خپلې کورنۍ ته حلاله نفقه پیدا کړي.
همدارنګه نوموړي په خپلو خبرو کې له نورو مرستندویه بنسټونو او مؤسساتو څخه هم په دې ډګر کې د مرستو او همکاریو غوښتنه وکړه.
یادونې وړ ده، چې په تیرو درو پړاوونو کې ټولټال ۷۲۰ تنه زدهکوونکي د دې برنامې له لارې له فني او حرفوي زدهکړو څخه فارغ شول او هره میاشت ورته د ۶۴۰۰ افغانیو په ارزښت مددمعاش هم ورکول کیده
